काठमाडौं । पछिल्लो २४ घण्टामा नेपालमा थप १ हजार ७८ जनामा कोरोना भाइरस संक्रमण पुष्टि भएको छ ।
स्वास्थ्य तथा जनसंख्या मन्त्रालयका अनुसार आज ११ हजार ७६५ जनामा कोरोना परीक्षण गर्दा सो संख्यामा संक्रमित थपिएका हुन् ।
मन्त्रालयका अनुसार आज ९११ जना कोरोना भाइरस संक्रमण मुक्त भई घर फर्किएका छन् । आज कोरोना भाइरसका कारण १२ जनाको मृत्यु भएको छ ।
हाल देशभर १८ हजार १६८ सक्रिय संक्रमित रहेका छन् भने संक्रमितमध्ये हालसम्म ११ हजार १३५ जनाको मृत्यु भइसकेको छ स्वास्थ्य मन्त्रालयले जनाएको छ ।
