९ महिनामै ४० अर्ब बढीको चामल आयात

२०७९ बैशाख १४ गते प्रकाशित

काठमाडौं । चालू आर्थिक वर्षको नौ महिनाको अवधिमा भारतलगायत अन्य मुलुकबाट नेपालले ४० अर्बभन्दा बढीको चामल आयात गरेको छ । भन्सार विञभागको तथ्यांकअनुसार, भारतलगायतका दर्जन बढी मुलुकबाट सो अवधिमा नेपालले ४० अर्ब १२ करोड १४ लाख ३४ हजार बराबरको चामल आयात गरेको हो ।

आयात भएकोमा धानको बीऊ, पोलिस गरिएको चामल र अन्य धान गरेर उक्त बराबरको रकम बाहिरिएको हो । सबैभन्दा बढी चामल आयात भारतबाट भएको छ भने अन्य दर्जन मुलुकबाट पनि चामल नेपाल भित्रिएको हो । सरकारले देशलाई प्रमुख खाद्यबालीमा आत्मनिर्भर बनाउने योजना बनाए पनि भारतबाट चामललगायतका कृषिउपजको आयात बढ्दै गएको हो ।

विभागको तथ्यांकअनुसार, धानको बीउ, मसिनो र बासमतियुक्त चामलको आयात बढेको हो । सो अवधिमा भारतबाट मात्रै ३९ अर्बभन्दा बढीको धानको बीऊ, धान र चामल चामल आयात भएको छ भने चीन, बंगलादेश, थाइल्यान्ड, अमेरिका, कोरिया, भियत्नाम, अष्ट्रेलिया, जापान, इन्डोनेसियालगायतका अन्य मुलुकबाट पनि चामल आयात भएको देखिन्छ ।

काठमाडौं– नवनियुक्त कृषि तथा पशुपन्छी विकास मन्त्री रामनाथ अधिकारीले कृषिक्षेत्रका प्राथमिकता अध्ययन गरेर कार्ययोजना …