काठमाडौं । प्रतिनिधिसभाको आजको बैठका सांसदहरुले कृषि मन्त्रीलाई प्रश्नैप्रश्न उठाएका छन् । किसानले समयमा मल नपाएको भन्दै सांसदहरुले मन्त्रीलाई प्रश्न गरेका हुन् । कृषि तथा पशुपंक्षी विकास मन्त्री महिन्द्र राय यादव मल लिन भन्दै भारत गएका थिए । उनी बल्ल नेपाल फर्केका छन् । उनले सांसदहरुको प्रश्नको जवाफ दिनेछन् । अधिकांश संसदमा बोल्ने सत्ता पक्ष र प्रतिपक्ष दुवै सांसदहरुले मल नपाएको विषयमा गम्भीर प्रश्न उठाएका छन् ।
सांसदहरुले किसानले मल नपाउनु कुनै पनि सरकारमा रहेका दलको प्रश्न नभएको भन्दै सबैको साझा समस्या भएको बताएका छन् । कृषिप्रधान देश नेपालमा कृषकले मल नपाउनु भनेको । जनतालाई छारो हाल्न कृषि मन्त्री भारत भ्रमण गएर गया, कासी पुगेको भन्दै आलोचनासमेत गरेका छन् ।
बाली लगाउने बेलामा किसानहरु मल नपाउँदा निकै मर्कामा परेको सांसदहरुले आवाज उठाएका छन् । धान रोप्ने बेलामा वर्षेनी मल नहुनलाई सरकारको कमजोरी भएको सांसदहरुले टिप्पणी गरेका छन् ।
