काठमाडौं । आज असार १५ गते अर्थात राष्ट्रिय धान दिवश । नेपालका विभिन्न ठाउँमा धान रोपाइँ गरेर यो दिवश मनाइँदैछ । उन्नाइसौं राष्ट्रिय धान दिवशका अवसरमा कृषिमन्त्री महिन्द्र राय यादवले पनि मेसिनबाट धान रोपेका छन् । राष्ट्रिय बाली विज्ञान अनुसन्धान केन्द्र, खुमलटार फार्म परिशरमा पुगेर कृषिमन्त्री यादवले धान रोपेका हुन् ।
धान रोप्न खुमलटार पुगेका कृषिमन्त्रीलाई पञ्चेबाजासहितको असारे धुनले स्वागत गरिएको थियो । कृषिमन्त्रीसहित सचिव डा. गोबिन्दप्रसाद पौडेल, कृषि विभागका महानिर्देश, नार्कका प्रमुख तथा प्रतिनिधी तथा अन्य सरकारी कार्यालयका कर्मचारीको समेत उपस्थिति थियो ।
