काठमाडौं । दुई वर्ष अघि अत्यधिक रुचाइएको गीत कालोकेशमा रेलिमई गीतका सर्जक तथा गायक दिनेश ढकालले नयाँ गीत बजारमा ल्याएका छन् । आफ्नै युट्युव च्यानलमार्फत ‘माया नौजाले’ बोलको गीत बजारमा ल्याएका हुन ।
उक्त गीतको म्युजिक भिडियो सोमबार गायक ढकालले आफ्नो दिनेश ढकाल अफिसियल युट्युव च्यानलमार्फत सार्वजनिक गरेका हुन् । गायक ढकालको स्वर, शब्द र संगीतमा निर्माण भएको गीतको म्युजिक भिडियोको निर्देशन भने प्रदीप लामाले गरेका हुन् । लामो समयपछि सार्वजनिक गरिएको गीत र म्युजिक भिडियोमा उत्तिकै मेहनत गरिएकाले दर्शक श्रोताले रुचाउनेमा आशावादी रहेको गायक ढकालले बताए ।
गीतको म्युजिक भिडियोमा गायक ढकालसँगै अल्का सुवेदी, प्रदीप लामा,जेफ भण्डारी, रितेश सिग्देल र रवि राइको अभिनय देख्न सकिन्छ । कोबिड बज्र र कुशल सिंहको म्युजिक प्रोड्युसर रहेको गीत बज्र क्रियशन स्टुडियोमा रेकर्ड गरिएको छ । पवन सुस्लिङलेको सिनेमेटोग्राफी रहेको म्युजिक भिडियो ५ मिनेटको छ ।
कालोकेशमा रेलिमई गीतसँगै दर्शक स्रोतको मन जितेका गायक ढकालले यस गीतले पनि दर्शक स्रोताले मन पराउनेमा आशाबादी रहेको बताए ।
हेर्नुस, म्युजिक भिडियो
