काठमाडौँ– कृषि तथा पशुपन्छी विकास मन्त्रालयले एक लाख बढी रासायनिक मल मौज्दात रहेको जनाएको छ । मन्त्रालयले आज पछिल्लो पटकको मलको विवरण सार्वजनिक गर्दै १ लाख २३ हजार १६८ मेट्रिक टन मल मौज्दात रहेको जनाएको हो ।
मन्त्रालयसँग मौज्दात रहेको मलमध्ये युरिया ७१ हजार ४६१ मेट्रिक टन छ । यस्तै, डीएपी ४३ हजार ८६८ मेट्रिक टन र पोटास ७ हजार ८३८ मेट्रिक टन रासायनिक मल मौज्दात रहेको छ ।
साल्ट ट्रेडिङ्ग कम्पनी लिमिटेडसँग २३ हजार ८९१ मेटिक टन र कृषि सामाग्री कम्पनी लिमिडेटसँग ९६ हजार २७७ मेट्रिक टन रासायनिक मल मौज्दात छ । यो वर्षको धान रोपाइँमा मलको अभाव देखिएन । १३ लाख हेक्टर क्षेत्रफल बढीमा धान रोपाई सम्पन्न भइसकेको छ ।
