बागमती । मकवानपुरको राक्सिराङ गाउँपालिकाले स्थानीय उत्पादनको सहज बजारीकरणका लागि हाटबजार सञ्चालन गर्न सुरु गरेको छ । चैनपुरमा प्रत्येक महिनाको १ र १५ गते आयोजना हुने हाटबजारले गाउँका कृषकलाई आफ्ना उत्पादन बिक्री गर्न सहज अवसर प्रदान गरेको छ ।
गाउँपालिका प्रमुख राजकुमार मल्लका अनुसार, हाटबजार सञ्चालनको मुख्य उद्देश्य स्थानीय कृषकद्वारा उत्पादित कृषि वस्तु र अन्य समानहरूको बजारसम्म पहुँच पुर्याउनु हो । सुमन चेपाङ, एक स्थानीय कृषकले भने, ूपहिला यहाँ नजिक कुनै हाटबजार थिएन, त्यसैले हाम्रो उत्पादन सहजै बजारसम्म पुग्न सक्दैन थियो । अब हाटबजार सञ्चालनमा आएपछि हामीले राम्रो बजार पाउन थालेका छौं ।ू
हाटबजारमा हरियो सागपात, तरकारी, गेडागुडी, बाँसका सामान जस्ता स्थानीय उत्पादनहरू बिक्रीका लागि राखिन्छ । यसका अतिरिक्त, यहाँ तामाङ, चेपाङ, राई र मगर जातिका समुदायका विभिन्न समानहरू पनि बिक्री गरिन्छ । हाटबजारलाई प्रत्येक महिना १ र १५ गते सञ्चालन गर्ने व्यवस्था गरिएको छ, जसले गर्दा स्थानीयवासीलाई आफ्नो उत्पादन बजारसम्म पुर्याउन र दैनिक उपभोग्य वस्तुहरू किनमेल गर्न सजिलो भएको छ ।
गाउँपालिकाले हाटबजारलाई निरन्तरता दिने उद्देश्यले यसलाई व्यवस्थित गरिरहेको छ । ूहाम्रो योजना छ कि यो हाटबजार भविष्यमा अझ ठूलो बनाउने र स्थानीय अर्थतन्त्रमा थप योगदान पुर्याउने,गाउँपालिका अध्यक्ष मल्लले थपे ।
यस प्रकारका हाटबजारले न केवल कृषकको उत्पादनलाई बजारसम्म पु¥याउने काम गर्छ, बरु यसले स्थानीय समुदायको आर्थिक स्थिति पनि सुधार्न सहयोग पुर्याएको छ ।
